السلام عليكم ورحمة الله وبركاته
الليلة ليلتك ياعريس
والفرح جنبك بيناديك
والليلة دى ليلة خميس
والأنوار كلها حواليك
لابس وعايق فى هدومك
شهم وجدع من يومك
وأصلك مأصل ومعروف
وتشرف أى عيلة
عشان كدة كل البلد
بتحبك وتموت فيك ياولد
والكل كان يتمنى يناسبك
ويحط إيده ف إيدك
لكن عروستنا هى اللى فازت
وكل بنات البلد الليلة حسادها
بيقولا يابختها ......ياسعدها
ياريتنا كنا زيها
والزغاريد عليت ياحبايب
وطلقات المدافع رنت
كله بيحيى العرسان
والطبل البلدى أهه دق كمان
وزفة على ظهر الحصان
والكل متهنى وفرحان
وقبلها كانت ليلة الحنة
داروا ولفوا البلد والعروسة
حنت رجليها وإيديها
ونامت تحلم بيوم زفافها
وحضرت كل حاجاتها
أجمل هدوم وأشيكها
ومكياجاتها وأدواتها
وفستان فرحها ياجماله
أبيض وزاهى يادلاله
لما تلبسه ست العرايس
وأم العروسة شغالة
تخبز وتعجن أشكال وألوان
إشى حلويات وإشى طواجن وصوانى
بالسمن البلدى ياجماله
كيكات ومخروطة وطيور ولحمة
وعيش شمسى مفيش منه
ياحلاوته ويا الملوخية
يغرفها غرف إممممممممممممم
وياسلام بقى ع التقلية
وممنوع الهمس
دى ليلة حلوة وهنية
وعقبال كل الناس الحلوة دية
ونقط ياجدع نقطة عليها القيمة
دى عروسة متأصلة
وعريس عالى القيمة