إتكلم يا أبو الهول
.............................
واقف من زمان ساكت
مع إنك على كل شىء شاهد
شايف ولاد مصر
رافعين رايات النصر
صامدين على الأحوال
أحوال تهد جبال
لكن بكل عزيمة
تتحقق الآمال
إتكلم قول حاجة
دى قلوبنا محتاجة
تحس بمشاركة
من كل شىء فيها
يا أبو التاريخ العجيب
صنعوك وقالوا عجيب
راسخ زى الأسد
صامد زى الوتد
قول لأعداء الخير كفاية
ولكل شىء نهاية
ونهايتكم حكاية
تشوفوها بعنيكوا
عذابكوا راح يبتدى
وثورتنا نجحت رغم أى معتدى
فوقوا بقى
روحوا روحوا
مش هنخضع ولا هنسلم
والظالم هو اللى هيتألم
إحنا جراحنا مننا فينا
ومنا التاريخ بيتعلم
قول يا أبول وإتكلم
الموضوع : إتكلم يا أبو الهول المصدر :منتديات تقى الإسلامية الكاتب: سنابل
