سنابلعضـــو نشــط
تاريخ التسجيل : 13/06/2009
 |  موضوع: صورة وخاطرة قومية عربية) بقلمى السبت 23 أبريل 2011 - 7:25 | |
| صورة وخاطرة قومية عربية) بقلمى
السلام عليكم ورحمة الله وبركاته
خايفة من بكرة واللى راح يجرى فيه
اللى فات هيبقى ذكرى بس هفضل عايشة بيه
كل مابشوف اللى حاصل فى دنيتنا
بقول يارب أسترها معانا
وبقول كمان يارب تعلى رايتنا
وندوق طعم الأمان والراحة جوانا
هنا ضرب ....وهنا حرب
هناك إضراب ... وحياة بالغصب
وكفاح غلابة عشان لقمة العيش
تكسب قروش ومطلوب بيها تعيش
ييجى الشتا مانلاقى حب يدفينا
ونضيع بلاش ويا طوفان يغطينا
حقى هدور عليه
يمكن ف يوم ألاقيه
نفسى بجد تتجمع كلمتنا
كلمة عرب واحدة تلم الشمل
زى أيام أجدادنا
ونهر الحب يسقينا
من نبع صافى ميتنا
وأمة واحدة تحكى وحدتنا
لكل بلاد الدنيا تسمعنا
وتهابنا وتعمل لنا حسبان
ويعود زمان القوة والهيبة
ليكم يا كل العرب
وتلاقوا ليكوا مكان
فين أيام الأندلس
وحشتنى أيامهم
زى ما أكون عشتها
وكنت موجودة بينهم
ياريت تعودى يامجد وتاريخ وحضارة
يا أمة الإسلام أوصيكم
تمسكوا بدين الله وكتابه
فالخير فى الإيمان
وفاتح لنا بابه
حى على الجهاد
حى على الكفاح
واقفين على أعتابه
رافعين إيدينا للسما
بنقول يارب
أنصر عبادك المؤمنين
على كل الظالمين
يااااااااااااااااااااااااااااااارب
 الموضوع : صورة وخاطرة قومية عربية) بقلمى المصدر :منتديات تقى الإسلامية الكاتب: سنابل |
|
