هذه العادات التى نفعلها نحن دون ان ندرى انها
قد تجعلنا نفقد رونق شعرنا وجماله ارجوكى حبيبتى حاولى قدر الامكان الابتعاد عنها
وهى الاتى:
اولا: عدم ربط الشعر وهو مبلول (ليه) لان ربطه بيقصفه لان الشعر بيتنفس وانتى كده بتخنئى شعرك
ثانيا: اوعى تمشطى شعرك وهو مبلولاستنى لما ينشف(ليه) عشان المشط لما بيمشى على الشعر وهو
مبلولبيعمل طاقه استاتيكيه مع الشعر وده اللى بيخلى شعرك متقصف وهايش
ثـالثــا: ماتدهنيش شعرك برضه وهو مبلول ادهنيه بعد ماينشف(لـــيـه) لانك لما بتدهنيه وهو
مبلول فروه الراس ما بتاخودش راحتها فى انها تتنفس وبالتالى ده اللى بيكون
القشره
رابعـا: شعرك فى الشتا بتغسليه بمايه سخنهوتطلعى علطول للهواء البارد وده بيعمل قشره الحل ايه
انك بعد ماتخلصى استحمام ترشى شعرك بشويه مايه ساقعه عاديه من الحنفيه عشان يتكيف
مع درجة حراره الغرفه
خـــامسا:لازم تغيرى كيسة المخده على الاقل كل يومين(ليه) عشان
الزيوت اللى بتتراكم من شعرك على المخده بتعمل بعد كده قشره للشعر
سادسا:تغسلى مشطك كل يومين برضه
اما للمحجبـــات
النصائح دى كمان:
1- عدم شد الشعر بقوه
2-عدم ربط الشعر لورا لفترات طويله يعنى سايبيه وانتى فى البيت خليه يرتاح شويه
3- عدم الضغط بالطرحه على الشعر
4-عدم كثره الدبابيس فى الشعر
5- ربط الشعر بطريقه خفيفه محاولة ان تكون الطرح من اقمشه ناعمه
دون الياف صناعيه عشان ده بيقصف الشعر جداااا
6- ومن اهم الخطوات بئه انك تداومى على تغير الفرق بتاع شعرك من
اودام عشان لو بتشديه لورا علطول مع الطرحه ده حيكون سبب رئيسى فى انه يتنحل والشعر يخف من اودام
وربنا
يعلم انى جربت النصائح دى كلها والحمد لله شعرى فى تحسن وانا بقولهالكوا عن تجربه
شخصيه ويارب تعتنوا بشعركوا لان زينه المرأه شعرها
منقول
الموضوع : عادات خاطئه تجعلك تخسرين شعرك !!!! المصدر :منتديات تقى الإسلامية الكاتب: ام ابراهيم
