السلام عليكم ورحمة الله وبركاته
بعد التحية والسلام
من هنا
من أرض السلام
من مصر بلدى
مهدى ومحياى
من بعد عهد ثورة يناير
بكتب لكم
وبطلع اللى جوايا
وألف حكاية
همس الخواطر
جت ع الخاطر
وقول ياشاعر
وعيد وزيد
همس الخواطر
من سحر قلمك
داب الإحساس
رقة مشاعرك
يا أرق الناس
تحية ليكى
ولكل مصري ومصرية
ومنى ليكى
أجمل هدية
مش عارفة أوصف بجد فيكى
وكفاية إنك أسطورية
يعنى فيكى كل المعانى
حلوة ورقيقة وشكل تانى
يارب دايمآ ويانا تكونى
وقلوبنا تفرح بوجودك
ولاعمرك يامصر تهونى
بأوراق ورودك ووخز شوكك
وهمس الجراح
بيطرح صباح
وينور الفجر
ويصحى عصافير الأمل
تنشد نشيد الحب اللى إكتمل
يلا بينا
نزرع الخير فى القلوب
نحصد الغد المنشود
بكرة جاى لينا
يحييى أمانينا
الموضوع : همس الخواطر وهمس الجراح(خاطرة)قومية بقلمى المصدر :منتديات تقى الإسلامية الكاتب: سنابل
