El Helalyaالمؤسسة
تاريخ التسجيل : 08/08/2008
 |  موضوع: حملة الشيخ هانى حلمى (أعظم أيام الدهر) سارع قبل يوم الأربعاء الخميس 26 نوفمبر 2009 - 5:38 | |
| (أعظم أيام الدهر)
أقوى حملاتنا : أعظم أيامنا .. إنطـلق
بدون مقدمات ... ولا حورات
ندخل في مشروعنا على طول لأن مفيش وقت إطلاقاً
ومفيش وقت لأننا داخلين على أعظم أيامنا
طيب ،،
ممكن أسألك شوية أسئله
:)
أنا : السلام عليكم ... أيه الأخبار؟ هاا عملت إستعدادتك لأيام العشر ،،
أنت : عشر أيه ؟؟
أنا : العشر من ذي الحجه
أنت : مش عارف ... أصل بصراحه مش عارف النهارده كام في الشهر العربي ^_^
أنا : ممممممممممممممممم
أنت : وبصراحه كمان مش عارف يعني أيه العشر من ذي الحجه ^_^
أنا : طيب أيه رأيك نعرف سوا 
أنت : ........
ممكن دا يكون بداية الحوار بيني وبينك
بص بقى .... وركز معايا ... وصلي على حبيبك النبي صلى الله عليه وسلم ،،
إذا كنت ملتزم/ه من عشر سنوات،،
وإذا كنت جديد/ه في الإلتزام ولسه في أول الخطوات ،،
وإذا كنت يدوب بتصلي الفرض وتلحق شوية حسنات ،،
وحتى لو كنت بعيد عن كل دا (يعني مش هنا خااالص ) وغرقان في السيئات ،،
تعال معايا ... أنا عزمك على أجازه خاصه لمدة عشرة أيام
احنا اتفقنا مفيش وقت خااااااالص
ليه ؟؟
لأننا داخلين على العشر من ذي الحجه
حاجه كده أفضل من رمضان
أي والله أفضل من رمضان حتى بص لكلام حبيبك صلى الله عليه وسلم ،،
روى البخاري أنَّ النبي صلى الله عليه وسلم قال : "ما من أيام العمل الصالح فيها أحب
إلى الله من هذه الأيام -يعني أيام العشر الأول من ذي الحجة- قالوا يا رسول الله ولا
الجهاد في سبيل الله قال : ولا الجهاد في سبيل الله إلا رجل خرج بنفسه و ماله فلم يرجع من ذلك بشيء "
شوفت بقى إنها أعظم من رمضان
وعلشان تفهم الموضوع أكثر اسمع لكلام شيخ الاسلام بن تيميه -رحمه الله- :
سُئل شيخ الإسلام ابن تيمية ـ رحمه الله_عن عشر ذي الحجة، والعشر الأواخر
من رمضان، أيهما أفضل؟، فأجاب: "أيام عشر ذي الحجة أفضل من أيام العشر
من رمضان، والليالي العشر الأواخر من رمضان أفضل من ليالي عشر ذي الحجة".
مشروعنا اسمه .... أعظم أيامنا
وهدفنا أننا كلنا ... ندخل الجنه بهذا المشروع
هنعرف مع بعض : فضل أيام العشر
ومن هنا لحد يوم الأربعاء ( يوم 1 ذي الحجه )
هنتفق على شوية مشاريع وأعمال
ومن أول يوم في ذي الحجه هبدأ الرسائل ونعمل جداول عمليه لكل واحد مننا
ونتابع بعض فيها ، وجدول خاااااااااااص ليوم عرفه
هااا أيه رأيك ؟؟
إتفقنا مفيش وقت
خد قراراك بسرعه ... معنا ولا مش !!
طبعاً معنا يا بطل
عاوزك تفكر معايا في حاجه بسرعه كده
أنت كنت قاعد على جهازك دلوقتي ... أيه اللى دخلك على الموضوع دا ؟؟
ربنا ... صح ولا مش صح ؟
طيب ودخلك هنا ليه ..؟؟
لأنه بيحبك ..
طيب ويحبك ليه ...؟
هو كده ... ربنا بيحبك
لأن في آلاف غيرك بجد مش عارفين يعني ايه أعظم أيامنا
ومش هيعرفوا
لكن أنت ربنا منّ عليك وفتحلك سكه تعرف بيها فضل هذه الايام
فمتقفلش السكه دي
وعلشان كده قول : الحمد لله
لأن ربنا إختارك ( إختارك = اصطفاك )
إيدك في إدينا وصدقني مش هتندم
أنا منتظر ردك
وهفكرك بآخر جزء في الحوار اللى دار بنا في أول الموضوع
أنت : وبصراحه كمان مش عارف يعني أيه العشر من ذي الحجه ^_^
أنا : طيب أيه رأيك نعرف سوا :)
أنت : .......
في إنتظار ردك علشان نبدأ سوا وناخد أول خطوه
مفيش وقـــــــــت إطلااااااااااقاً
متنساش واجب النهارده ----->>الحمد لله
لا تنسى تحميل المطوية وتنشرها
المطوية
--------------
مطوية أعظم أيام الدهر
قابلة للطي
على الوورد
جاهزة للطبع والتوزيع
ــــــــــــــــــــــــــــــــــــــــــــــــــ ــــــــــــــــ
صورة مقدمة المطوية
التحميل
[url=http://www.islamup.com/download.php?id=64231]http://www.islamup.com/download.php?id=64231[/url]
 الموضوع : حملة الشيخ هانى حلمى (أعظم أيام الدهر) سارع قبل يوم الأربعاء المصدر :منتديات تقى الإسلامية الكاتب: El Helalya |
|
عبداللهالمراقب العام
تاريخ التسجيل : 26/11/2009
| | موضوع: رد: حملة الشيخ هانى حلمى (أعظم أيام الدهر) سارع قبل يوم الأربعاء الخميس 25 فبراير 2010 - 16:13 | |
| |
|
الجنه تنادينيالاشراف العام
تاريخ التسجيل : 16/05/2010
| |
واسلاماهالمراقبة العامة
تاريخ التسجيل : 23/06/2009
| |
