موضوع: معلومات بسيطه عن المعدة Stomach الأحد 17 يوليو 2011 - 6:26
المعدة عبارة عن كيس عضلي وهو من اهم اجزاء الجهاز الهضمي حيث يتم هضم الطعام هضما جزءياً بداخلها.
تفرز المعدة انزيمات لهضم الطعام مثل الببسين واحماض ايضا لمساعدة عمل الانزيمات ولقتل البكتريا المصاحبة للطعام (سبحان الله)
زي ما في الصورة
المعدة متصلة من فوق بالمرئ ومن تحت باالاثني عشر ثم الامعاء الدقيقة
وطبعا المعدة زي مانتوا شايفين موجوده ناحية الشمال.
المعدة دي في الجدران بتاعتها نلاقي حاجه اسمها غدد Glands بس دي مابتفرزش هرمونات كعادة الغدد لكنها بتفرز زي ماقلنا الانزيمات والاحماض .
ولازم نعرف ان المعدة مكونة من 4 طبقات mucosa,submucosa,muscularis externa and serosa وكل واحد فيهم ليه فوائدة من الحماية والهضم ومقامونة الامراض وغيره.
زي ما في الصورة دي
وعلى شمالها بنلاقي حاجه اسمها الطحال وفوقها حاجه اسمها الحجاب الحاجز وتحتها أكيد الامعاء وحاجه اسمها البنكريس أما على يمينها فيه اوعيه دموية والكبد.
زي ما في الصورة
أشهر الأمراض اللي بتبقى في المعده حاجه Gastic Peptic Ulcerاسمها قرحة المعدة ودي منتشرة جدا وخاصة الناس اللي بتشرب مشروبات غازية كتير او بتتعالج بحاجه اسمها ستيرويد...ودي نسبتها 3 ذكور : 1 اناث.
دي معلومات بسيطه حبيت احطها للمعرفة علشان لما حد يسألنا عن المعده نعرف حنقول ايه
الثقافة الصحية ياجماعه اصبحت ضرورية ومهمة في ظل التلوث وكثرة المواد الكيميائية المضرة الموجوده حاليا فلازم على كل واحد ياخد باله من صحته وزي اللي قبلنا ما قالوا " الوقاية خير من العلاج"
