لالحمة ولافراخ
النهارده عندي طريقة لعمل
اللانشون بطعم الفراخ من غير فراخ
طريقة سهلة ولذيذة
ومن غير تكلفه
وتنفعك في عمل
الساندويتشات لاولادك في المدرسة وفي نفس الوقت تبقي مطمنة عليهم من اللانشون بتاع
المحلات والاشاعات اللي حواليه وعلي فكرة جربته وطلع جمييل جدااا ونفس الطعم للجاهز
بالضبط
والمرة الجايه ان شاء الله
هاحط صور للطريقه
المهم ماطولش عليكم
المقادير
3 مثلثات جبنة(كيري او
بريزيدون او لافاشكيري او اي نوع)
3مكعبات مرقة دجاج(ممكن يبقو اتنين لو مش عايزاها مالحة
اوي)
3فصوص
ثوم
3حبهان
3بيضات
3 ملاعق ك دقيق
نص كوبايه زيت
ولون طبيعي احمر(من عند العطار) بمقدار حباية فلفل اسود او مثل راس
الدبوس فقط
الطريقه
1)تضعي كل المكونات في الخلاط
بس خدي بالك تفركي مرقه الدجاج بايدك
الاول
وكمان خدي بالك ان اللون
الطبيعي يبقي بمقدار راس الدبوس بس عشان مايبقاش غامق اووي ويبقي لونه فاتح زي
الجاهز بالضبط
2)تضعي
المقدار في كوبين ستانلس مدهونين بالزيت (المقدار هايعمل كوب ونص)
وخدي بالك ان الخليط بيرتفع
يعني تتركي مسافة قليله في الكوب
وان لم يكن لديك كوب ستانلس يبقي في اي كوب يتحمل
الحراره
3)تضعي الاكواب في
حله بها ماء (مثل طريقه الكريم كراميل) لكن تغطي الحلة
وتترك تغلي لمده ساعة
الاربع
4)اقلبي الكوب في
طبق وممكن تدوري بالسكينة حول اللانشون عشان يسهل نزوله
واخيرا قطعيه شرائح وتمتعي انت واسرتك بطعم اللانشون
الطبيعي اللذيذ والامن
الموضوع : لانشون بيتي لالحمة ولافراخ بطريقتي رووووعةبجددد المصدر :منتديات تقى الإسلامية الكاتب: امل
