السلام عليكم ورحمة الله وبركاته شفت على وشها نظرة حزن مدفونة خايفة على راجلها بس خايفة أكتر على بلدها قالت هو راجل شجاع واقف على دبابته يحمى الميدان ويحمى ولاد شعبه خير الشجعان والبلد ربنا يحميها ويصونها هتعيش وأم الدنيا ده إسمها أجمل وأحسن بلد ويسلم شعبها وطن حضن وأمان وهيعود أفضل مما كان قلت لها إيه أخبارك؟ وأخبار ولادك ودارك قالت بحمد الله عايشين وبكرة جاى بلون جديد أخضر عيدانه وشمس دهب وشموع أمل بالحب تقيد وفخر وعزة لكل العرب سألتها عن جوزها قالت بكلمه وبطمن عليه وكفاية إنه بطل حامى حمانا ربنا يحميه هو وأمثاله من جيشنا الغالى سهران على راحتنا وتأمين حياتنا قلت لها وولادك بيقولوا إيه؟ قالت لى أولادى مبسوطين ومن بكرة مش خايفين وهما دول اللى هيعمروا بلدنا وعلى إيديهم هتتحقق الأحلام وم النهاردة كل أحلامنا هتبقى حقيقة ونشوفها بعنينا ونحياها ونعيشها وكفاية خوف بقى وكفاية عصافير بريئة إنتف ريشها وإتهدت أعشاشها خلينا نفوق بقى ونصحى على فجر يوم ف العمر ينعشنا نسيم هواه
