سنابلعضـــو نشــط
تاريخ التسجيل : 13/06/2009
 |  موضوع: خوفى على المصريين(خاطرة)بقلمى السبت 23 أبريل 2011 - 5:26 | |
|
السلام عليكم ورحمة الله وبركاته
...
ياخوفى ع المصريين
من ناس كتير تانيين
يتحسبوا م الملايين
...ولاهم بالبلد حاسين
طالعين أهو ونازلين
نهب وشغب وحريق
وحاجات تجيب الضيق
إنتوا منين جايين؟
وكنتوا فين قاعدين؟
حسوا بقى شوية
دى بلدكوا يامواطنين
خافوا على إسمها
عيشوا الحياة نفسها
ولا إنتوا مش مصريين؟
ماتشمتوش الأعادى فينا
ده إحنا اللى فينا مكفينا
داخلين على مرحلة
مايعلم بيها إلا ربنا
سيبكوا بقى من دى عمايل
ده القلب منكوا شايل
هى البلد تنسرق
من ناس عاشوا فى خيرها؟
ده حتى لو كان أجنبى
والله يشيل جمايلها
وكفاية إنه بيجيها من تانى
يزور حضارتها ويتعلم فيها معانى
أوم تيجى الضربة منكوا
وإنتوا اللى تقودوها
فوقوا ياناس دى بلدكوا .....حبوها
توب ياللى كنت السبب
والله شفنا العجب
عايزين نضم إيديكوا فى إيديناSee More
 الموضوع : خوفى على المصريين(خاطرة)بقلمى المصدر :منتديات تقى الإسلامية الكاتب: سنابل |
|
