سنابلعضـــو نشــط
تاريخ التسجيل : 13/06/2009
 |  موضوع: أنا والدبابة(خاطرة) بقلمى السبت 23 أبريل 2011 - 5:26 | |
|
السلام عليكم ورحمة الله وبركاته
تحت شرفتى دبابة
واقفة كالأسد مهابة
تحمينى وتحمى جيرانى
من شر الناس النهابة
حاسينا بأمان وسلام
فى وجودها ووجود الجيش
وفرحنا بنصرة ثورتنا
رغم الشهدا ورغم الطيش
من بعض شوية حرامية
جرحوها وجرحوا الحرية
وقلوب مسئولة مش وطنية
مراكزها عالية وقوية
وإفتكرت إن إزالتها محالة
لكن كبسوها الرجالة
بشجاعة وبكل بسالة
وصمدتوا يازهر الحرية
ياللى قلوبكوا طاهرة نقية
ونجحت خطتكم بإرادة
وفتحتوا أبواب السعادة
وأنا هنا جاية لكوا أهنى
وأقول لكوا الشعب فتنى
والله دى مصر ولادة
وولادها يتحدوا الصعب
إن كان أحمد ولا محمد
أو كان عمر أو كان حمادة
عشت ياشعب وعاش صوتك
ويموت اللى يتمنى موتك
يا أملنا فى العمر الجاى
والله ياشعب مالك زى
 الموضوع : أنا والدبابة(خاطرة) بقلمى المصدر :منتديات تقى الإسلامية الكاتب: سنابل |
|
