قصة اخت لنا ارسلتها لنا مع النقاب
السلام عليكم ورحمة الله وبركاته كيف حالك اختى
انا حبيت اعرض قصتى مع الحجاب ثم النقاب لعلها تكون سببا فى معرفة الفتيات قدر هذه النعمة الجليلة
وابدا
بحالى : انا كنت بنت روشه وجينز وميك اب وكان عندى مصيبة سودة"صوتى حلو"
متستغربوش اوى ساعتها كان فعلا مصيبه سودة اما الان فهو نعمة من الله احمده
عليها
شوفو بأة روشه وصوتى حلو ودمى خفيف باختصار لقطة لأى واحد عايز
يخرج ويتفسح وينبسط بس كان عندى مبدا يمكن ده اللى ربنا حفظنى بيه "انا
اللى عايزنى ييجى بيت اهلى "
المهم يا اخواتى كانت حياتى فى الجامعة بقضيها بروفات على حفلات الجامعه"ما شاء الله ايه يابت الانضباط ده" هههههه
ابتدا التغير من سنة تالتة "اعادة خللى بالكو" وكانت الاحداث متتابعة لدرجة انى كنت مش مستوعبه ......
توفى ابن خالتى ف حادث سيارة
بعدها توفيت جدتى اللى كانت مربيانى
بعدين بنت عمتى بسرطان فى الدم وكانت اصغر منى بسنتين
كل
ده فى اقل من سنتين تقريباطبعا انا كنت زى كتير بتاثر شوية وبعدين ارجع
تانى ...لكن اللى خلانى اقف مع نفسى انى طبعا بحكم العادة ساعة الميت بنلبس
اسود فانا فضلت تقريبا السنتين دول لابسه الاسود ولا بروح بروفات ولا بحط
ميك اب ونظام كآبه يعنى
طبعا انتو متخيلين انفض الجمع من حولى ولا بأه فيه معجبين ولا عايز اتعرف ولا حد مسبل عينيه .....هههههه
فجاءت
فى خاطرى كلمة سمعتها زمان من اخت فاضلة "انتى كويسه و مالكيش فى
الصحوبيات ..لييه تحطى نفسك فى موضع الشبهات وتخللى الناس تاخد عنك فكرة مش
حلوة بسبب لبسك وضحكك مع اى حد ...وقررت بعدها انى البس الحجاب لأنه فى
نظرى رمز الحياء والعفاف
وبدات حياتى تتغير بفضل الله وبدات احضر دروس الشيخ ابو عمار فى المعادى ومن هناك كانت كلماته اللى ربنا شرح بيها صدرى للنقاب
كان عنوان الدرس"اختاه وقفة مع النفس" وكان الدرس الخميس25/3/2004ولمن تذكر فان اغتيال الشيخ/احمد يس كان الاثنين22/3/2004
فقال
الشيخ كلمة والله هزتنى "انت بحجابك وعفافك اختنا اقوى من ملايين المدافع
والطلقات.بالله عليكى لا يؤتى الاسلام من ناحيتك" وكانت البداية بفضل الله
ومنته ووالله لاانزعه ابدا الا....عند غسلى وتكفينى
حبيبتى المنتقبة
اللى مش معقدة :اسفة ان كنت طولت عليكى اختى ان لم تجديها صالحة للنشر فانت
فى حل ويكفينى منك دعوات فى جوف الليل ان يثبتنى الله و"وان يصلح ما بينى
وبينه" والا يتوفنى الا وهو راض عنى
نسأل الله الثبات للاختنا والحياه الطيبه يارب
منقوول
الموضوع : قصتى مع الحجاب ثم النقاب المصدر :منتديات تقى الإسلامية الكاتب: El Helalya
