بابا...........بابا.............بااااااااااااااااااااااااااابااااااااااااااااااااااااااااااااااااااااااا(خاطرة حزينة )بقلمى الحزين
...............................................
بابا ......بابا
بنادى عليك وإنت مش سامع ندايا
بابا......بابا
بحن إليك وكنت أتمنى تكون معايا
جوايا حاجات كتير
كان نفسى أحكيهالك
وفى عز الشوق بلاقى
دموعى بترويهالك
كان نفسى أقولك يابا
لو كنت زعلت منى ف يوم
أرجوك سامحنى يابابا
علشان عنية تدوق النوم
جوايا ميت حكاية
ياريت لو كنت تسمعها
لكن وصلت النهاية
والروح مين يرجعها؟؟؟؟؟
بس اللى مطمنى عليك
إنك بين إيدين أحن واحد فى الكون
عند رب العباد موجود
اللى عطفه وكرمه مالوهش حدود
ونعمه ع العباد متتعدش
ورحمته واسعة متتردش
وقلوبنا بحبه عمرانة
ومنانا يحسن أخرانا
م الشوق أنا بكتب لك يابابا
من بعد سبع سنين فرقة
ده إحنا من غيرك غلابة
وجوة قلوبنا حرقة
لكن مسيرنا كلنا نتقابل
ويارب ننعم بجنة الرحمن
ساعتها راح ننسى كل آلام دنيانا
بابا ........يابابا
كتير بشوفك فى أحلامى
وحاطة صورتك أدامى
إطمن علينا يابابا
طول ماكتاب الله فى قلوبنا
حافظينه وحافظين آياته
وبرعاية الله عايشين
بس نروح منك فين؟
يادموع العين
كل ماتنشف تنزل تانى
حاسة بشوقى وحرمانى
ربنا يحفظ بابا وماما لكل اللى سامعنى وبيقرأ لى
اللهم آمين
10 أبريل 2004
ده تاريخ عمرى مايوم أنساه
ولا ينساااااااااااااااااااااااااانى
الله يرحمك يابابا
ويرحم أموات المسلمين جميعآ
اللهم آمين
الموضوع : بابا...........بابا.............بااااااااااااااااااااااااااابااااااااااااااااااااااااااااااااااااااااااا(خاطرة حزينة )بقلمى الحزين المصدر :منتديات تقى الإسلامية الكاتب: سنابل
